Hari Ini Kisah Klasik Untuk Masa Depan

Welcome to My Blog.

"Setiap hari, terdapat banyak pekara yang berlaku di dunia ini. Segala yang berlaku ini perlu dicatat agar ianya dapat menjadi rujukan dan tatapan pada masa hadapan."

Thanks for coming. Have a nice day.Happy Surfing Everyone.!!!

Tuesday, May 12, 2009

Plan Enda Nyadi..


Tentu kita kala belajar Sejarah Malaysia maya agi sekula ba Secondry suba.Nyadi ceta ke sekali tu ulih aku maya ke ngambi course Penentangan dan Protes di Malaysia Sem nyin empai lama..ianya tentang penentangan ba negeri Perak ti digaga Dato’ Maharaja Lela.Mya nya suba bc penyarut ba menua Perak ti ngejungka British tusah ati ngai ka bc urg luar campur tgn ba perak.Nya ti ngasuh Gabenor Negeri-negeri Selat, Andrew Clarke masuk campur ba Perak ti ngejungka sida begempuru berunding stat ari 17 Januari 1874 ti ngejung ka Perjanjian Pangkor di sain kena 20 Januari 1874.Ba pejanjian nya Sultan Abdullah diiktiraf nyadi Sultan lalu setuju nerima siku residen ti deka nyadi penasihat ba semua hal pentadbiran kecuali hal adat resam urg Melayu ngau agama Islam.nda lama dah nya,kena 1 November 1874 dia siku residen British ke benama James Wheeler Woodford (J.W.W. Birch) dianjung ke Perak.Taja pan J.W.W. Birch nya baru datai dia,ya tetap ka ngaga Stail pentadbiran ke tegas.Nya alai nda lama dah nya ya mayuh ngaga perubahan ari segi politik,ekonomi ngau social.pengawa ya tu ngasuh bala sida Sultan Abdullah ngau pemesai bukai ba Perak pedis amai ati agi J.W.W. Birch nya.Nya alai dah nya,bala sida Sultan Abdullah betesau lalu begempuru ba Durian Sebatang (siti alai menua ba Perak.Ba gempuru ti keterubah ya,dia sida lalu madah ka diri nda tan ngau ulah J.W.W. Birch nya lalu ngaga plan ka munuh J.W.W. Birch.Bc sekeda nya ka munuh J.W.W. Birch terus (cara kasar) tang bala sekeda ngai.udah nya sida mutuskan ka munuh J.W.W. Birch ngena cara alus dulu.nyema nda ulih ila baru sida ngena cara kasar nya.Nitih ka plan asal,Sultan Abdullah deka ngasuh siku ari ulun indu ya lari ari istana ( berlakon ) lalu nuju rumah J.W.W. Birch.maya nya ila,lebuh diau ba rumah J.W.W. Birch, dia ulun indu nya deka ngeracun J.W.W. Birch.So,mula ya plan sida lancar laban J.W.W. Birch sinu ke ulun indu ti lari istana sultanya..Tang plan sida ya tu ditemu J.W.W. Birch ti ngejungka plan bala sultan tu gagal.Nda lama dah nya,betesau baru ga sida lalu begempuru baru ba Durian Sebatang.Kesekali tu bala sida Sultan Abdullah ngaga plan baru ianya deka munuh ngena J.W.W. Birch manang (Bomoh).tapi manang tu ukai sebarang manah tang Manang Diraja!..enti munyi ku manang Diraja nya gi bala sida,endang nda lama jak ya “settle” ke kerja ya nya..seminggu ja!..sigi parai..nya alai manang Diraja nya lalu nganjung Antu (sumber nda madah antu nama) ti diasuh “makai” tudah J.W.W. Birch.Nyu udah seminggu,dikumbai sida udah parai meh tudah J.W.W. Birch.Nemu nya tudah J.W.W. Birch nyu agi idup..tapi sida agi sabar nganti..minggu siti da agi ga kenya..nyau sampai sebulan sida nganti tudah J.W.W. Birch parai lalu nda ga.nda nemu nama kebuah..nya meh bala sultan Abdullah lalu betesau lalu begempuru baru ba Durian Sebatang..ba gempuru sekali tu,ketegal 2 iti plan keterubah ti nda nyadi dia sida lalu mutuska ka ngena cara kasar munuh tudah J.W.W. Birch.ba plan ke sekali tu,dia tudah Dato’ Maharaja Lela diasuh ngereja pengwa munuh nya lalu Raja Ismail madah ka diri ka nulung Dato’ Maharaja Lela.Maya nya,kaul Sultan Abdullah ngau British benung ya carut.Kena 24 Julai dia deh bala sida British ngasuh sultan Abdullah tunduk gi sida.kena 2 Oktober 1875 sultan Abdullah diasuh nyua ka pentadbiran agi J.W.W. Birch... J.W.W. Birch diasuh ngaga pengumuman ba seluruh Perak tentang hal nya..Nya alai,kesempatan tu dikena bala sida sultan Abdullah munuh tudah J.W.W. Birch..nurun meh tudah J.W.W. Birch tu td gi menua Pasir Salak..mya nya (2 November 1875) benung J.W.W. Birch mandi nda jauh ari tebing ai.Ia semina dijaga siku bodyguard aja.maya nya meh bala sida Sultan Abdullah datai kia lalu nyarik ka Surat Perjanjian Sultan Abdullah ngau sida British empai lama ti udah lalu penyarut pan nyadi antara sida.Udah nya bodyguard J.W.W. Birch ke seiku-ikunya lalu parai dibunuh bala sida Dato’ Maharaja Lela dia, tudah J.W.W. Birch lalu ngelari ka diri (udah kena pantap) nuju Sungai Pasir Salak lalu terjun kedalam sungai nya.Tang bala sida Dato’ Maharaja Lela ke nganti ba sungai nya lalu mantap serta numbuk J.W.W. Birch ngena sangkuh ti ngejungka tudah J.W.W. Birch lalu parai dia..bangkai ya lalu anyut kili lalu ditemu beberapa hari dah nya..TAMAT…Maklumat ke baka tu ndang nadai ba buku teks sekolah Rendah tauka Menengah.Aku pan bulih cerita Sejarah tu ari Prof. kami empu ti udah bertaun-taun ngaga Research tentang sejarah Malaysia..TQ

Read more...

Sejarah menua Julau

Menua Julau asal ya siti ari sitak menua Kanowit ( mula ari Menua Kanowit dipegai Kesultanan Brunei sampai ke Kanowit dipegai Peturun Brooke ). Pengudah Sarawak ngau masuk Malaysia kena 16 September 1963, Julau agi tetap nyadi siti ari sitak menua Kanowit, ianya ba Bahagian Ketiga. Udahnya bahagian ba menua Sarawak lalu dibagi baru dalam urung 1970-an, ti ngejungka Julau diengkah ba Bahagian Keenam, ianya kena pegai Pentadbiran Bahagian Sarikei. Kena 1 April 1973, Julau lalu ditiki ke nyadi siti daerah penuh, ianya Daerah Julau. Pemesai rampa menua Daerah Julau tu ianya kira-kira 1703.39 Kilometer Persegi. Maskot asal Daerah Julau tu ianya siku Burung Kenyalang, tang udahnya ditukar ngau Maskot Pun Lada. Menua Julau tu ngembuan mayuh amat sungai ( besai ngau mit ). Antara sungai ke tampak rita ianya Sungai Kanowit, indu sungai menua Julau.

Pun Lada : Maskot baru Daerah Julau
Maya agi dipegai Tuan Rajah ( Pentadbiran Brooke), menua Julau bisi ngembuan siku Distrct Officer ianya ba Nanga Meluan. Ba Nanga Meluan mayanya ( dalam taun 1937), bisi siti Government Station, ti bisi ngembuan berek Polis, Kuarters Kerani, Dresser ngau Operator. Pengudah menua Sarawak diserah lalu dipegai Colony British ( Udah Perang Dunya Kedua), menua Julau lalu bisi digaga siti Government Station ti tembu digaga dalam taun 1948. Udah nya, ba taun 1950-an, mayuh rumah agensi perintah bisi digaga ba menua Julau, ti ngejungka Julau nyadi siti palan pentadbiran ti baru. Pengudah Sarawak ngau masuk Malaysia ba taun 1963, mayuh agi rumah agensi perintah digaga ba menua Julau. Antara Jabatan tauka agensi perintah ngau swasta ya ke bisi ba menua Julau tu ianya Pejabat Daerah Julau, Jabatan Pelajaran Daerah Kecil (Daerah Julau), Jabatan Pertanian Daerah Julau, Balai Polis Daerah Julau, Jabatan Kesihatan Daerah Julau, Jabatan Kerja Raya Daerah Julau, Jabatan Penerangan Daerah Julau, Majlis Daerah Meradong dan Julau, Jabatan Pendaftaran Negara Daerah Julau, Jabatan Kebajikan Masyarakat Daerah Julau, Jabatan Pembangunan Koperasi Julau, Pejabat KEMAS Daerah Julau, Pejabat Pos Daerah Julau, SESCO Daerah Julau, Telekom Malaysia, Pejabat RELA Daerah Julau ngau ti bukai.
Sebedau bisi pasar Julau, semina pasar Kanowit aja ke bisi ba Daerah Kanowit. Kenu ku Sumber, semina ba taun 1940-an baru bisi pasar ba Nanga Julau ngau Nanga Meluan ( Pasar Kayu). Udah Perang Dunya Kedua, pasar Julau bisi lebihkurang dalam 10 buah kedai. Dalam taun 1950-an, kira-kira 10 buah kedai baru digaga ba palan ke dipilih ba Nanga Julau. Bisi mega 2 iti pasar mit digaga ba Nanga Pakan ngau Nanga Wak ba Sungai Julau. Kenu ku Sumber, antara kedai kayu keterubah ya ba pasar Julau tu ianya Kedai Liok, kedai Ah Lok, Kedai Ah Aung, Kedai Chili ngau kedai Sin Teck. Dalam taun 1970-an, mayuh gi kedai ditambah ba pasar Julau. Antara kedai-kedai nya ianya Kedai Lee Ee Lek, Kedai Law Ing Tee, Kedai King Kian, Kedai Ling Kong Wong, Kedai Ling Chiek Miew, Kedai Ling Ping Huat ngau Kedai Wang king Choo.Dalam taun 1940-an sampai ke 1980-an, ekonomi pasar Julau mayuh bersangkut-paut ngau Lada, getah ngau engkabang. Dalam taun 1950-an, pasar Julau bisi bedagangka Tiang Lada ngau sentubung tebelian. Sampai kediatu (2009), lada ngau getah agi ditanam ba menua Julau.




















Keterubah ya sekula ba menua Julau tu dipun ka bala Mubaligh Kristian. Pengudah Perang Dunya Kedua, bisi Sekula Mission ba menua Julau, ianya Roman Chatolic Mission ti dibuka dalam taun 1930an. Sekula Mission tu meh ke nyadi asas Sekula St. Alphosus ke diatu. Dalam taun 1951, bala Cina ba menua Julau bisi muka Sekula Cina ba Julau. Dalam kandang 1960-an, lebihkurang 30 buah Sekula English bisi dibuka ba menua Sarawak. Ari pemayuh sekula nya, bisi beberapa iti ba menua Julau lalu antara semuanya ianya ba Nanga Entabai, Nanga Maong ngau Nanga Entaih ti dipegai John Kennedy Wilson ( Tuan Tuai). Tuai Tuai tu bisi rumah ba Rantau Umut, Entabai, lalu rumahnya agi bedau sampai ke saritu.
Kenu ku sumber, dalam taun 1970-an, baru mayuh sekula digaga ba menua Julau. Antara ya ianya SMK Julau, sekula menengah ti tunggal ba menua Julau. Sampai ke saritu, bisi mayuh sekula udah digaga ba menua Julau lalu antara semuanya ianya Sekolah Menengah Kebangsaan Julau, Sekolah Kebangasaan/Jenis Kebangsaan ( SK. St. Alphonsus Julau, SJK (C) Yuk Kung Julau, SK Nanga Luau, SK Nanga Merurun, SK Kelangas, SK Nanga Meluan, SK Nanga Entabai, SK Lubuk Assam, SK Nanga Maong, SK Nanga Ju, SK Nanga Ensiring, SK Nanga Jambu, SK Nanga Serau dan SK Nanga Lasi); Sekolah Bimbingan Kanak-kanak (Tabika KEMAS Nanga Julau, Tabika KEMAS Nanga Boa, Tabika KEMAS Ejit, Tabika KEMAS Bilat, Tabika Kemas Meluan dan Tabika KEMAS Entabai ).
Kenu ku sumber, bansa asal ti diau ba menua Julau tu ianya bansa Beketan, Ukit ngau Rajang. Penatai Bansa Iban ke menua Julau ianya dalam taun 1839, ti ngejung ka bansa asal menua tu lari ke ndur bukai. Penatai Bansa Cina ke menua Julau ianya lebihkurang dalam taun 1940-an, ngau tuju deka bedagang ba menua Julau. Nitihka banci taun 2000, pemayuh bala rayat ba menua Julau bisi lebih kurang 17 ribu lebih urang. Ari semuanya, 87 peratus bansa Iban, 10 peratus bansa Cina lalu 3 peratus bansa bukai.
Antara kemudahan bukai ke bisi ba menua Julau ianya jalai alun ke Sarikei (66 KM), Sibu (66 KM), Kanowit (39 KM), ngau ke Bintangor (48 KM). Jalan Entabai yang mana telah menghubungkan Pekan Julau dengan Nanga Entabai yang berjarak 27 Kilometer. Syarikat bas ti bisi ba menua Julau tu ianya Borneo Almagated Sdn. Bhd. Selain ari nya, bisi mega Rumah Rehat Perintah, Rumah Tumpangan Julau, Perhentian Bas dan Teksi, Gereja, Masjid Nurul Hidayah, Balai Raya ngau Balai serbaguna etc.


Semina naka tu aja Maklumat Sejarah menua Julau ke ulih dipadah ke aku ngagai bala kitai ari menua Julau. Semua Maklumat ke silik agi, baka fakta-fakta khas, data-data, Sumber Maklumat(reference) sereta maklumat ke silik ti bukai nda ulih dipadah ke aku ditu magang, laban nangi ke salah guna sekeda ari bala kitai. Maklumat ti silik mega tau digiga ba bup ti dikarang Benedict Sandin sereta Sarawak Gazette. Nya alai, cukup meh maklumat asas ti diberi aku nya ngambi ke bala kitai menua Julau nemu Sejarah menua kitai secara umum. Aku minta ampun nyema bahasa Iban ti dikena aku nya nda tentu betul, lalu lain mimit ari ke asal. Nyema utai ke dibantai ku ditu bisi kurang tauka salah, kita tau madah ngambi ke aku ngemetul ke ia baru. Terima Kasih.(Kerawis Tunjuk:-Kuang Kapong).



Read more...

  © Blogger templates The Professional Template by Ourblogtemplates.com 2008

Back to TOP